日期： 2005年9月29日
原文： 壹周刊
花旗財政部「點名批判」澳門滙業，搞到成個濠江滿城風雨。不過，過去一兩年滙業已經有唔少人事變動，好多人更加聞滙業之名而卻步。
好似佢哋嘅財富管理部門阿頭咁，兩年嚟已經換咗四個人。唔知點解，個個都好似有啲嘢咁。前兩任之錢志健及郭鑏芝，就分別嚟自爆煲理財顧問Allen Perkins及羅德利；而現任嘅勞樹源雖然系出名門，係股壇前輩勞汝福嘅二公子，但祖業萬勝證券年前亦已拱手出讓。
勞公子去芝加哥讀完MBA返嚟獲區老闆宗傑委以重任，幾個月前先至返工，點知起步脫蹄，可謂運滯。
至於服侍區老闆宗傑多年嘅猶太裔財務總監Miron Mushkat，幾個月前亦突然離職。唔知係咪一早知道花旗政府出手。前排區老闆禮聘港大法律系專攻破產法嘅副教授布卓利（Charles Booth）做非執董。唔通佢有乜預感？
返回財經茄哩啡主頁
